სსიპ ფერდინანდ თავაძის მეტალურგიისა და მასალათმცოდნეობის ინსტიტუტი ღრმა მწუხარებით იუწყება, რომ 94 წლის ასაკში გარდაიცვალა უხუცესი ღვაწლმოსილი მეცნიერი-მეტალურგი, ტექნ.მეცნ.აკად.დოქტორი, ვახტანგ მგელაძე.
ვახტანგ მგელაძემ 1955 წელს საქართველოს პოლიტექნიკური ინსტიტუტის მეტალურგიის ფაკულტეტის დამთავრების შემდეგ მუშაობა დაიწყო რუსთავის მეტალურგიული კომბინატის ახლად აშენებულ ბრძმედის საამქროში. ორწლიანი საინჟინრო გამოცდილებით ზურგგამაგრებული მოვიდა იგი მეტალურგიის ინსტიტუტის ასპირანტურაში და პროფ. მიხეილ კეკელიძის ხელმძღვანელობით გაიწაფა ფეროშენადნობების წარმოების ტექნოლოგიაში, 1965 წელს წარმატებით დაიცვა დისერტაცია ფეროშენადნობების სამეცნიერო „მექაში" – დნეპროპეტროვსკის მეტალურგიის ინსტიტუტში და მოღვაწეობა განაგრძო საქართველოს მეცნიერებათა აკადემიის მეტალურგიის ინსტიტუტის კაზმის მომზადებისა და ფეროშენადნობების წარმოების ლაბორატორიაში, სადაც დარგის უბადლო ოსტატად ჩამოყალიბდა. 1990-2006 წლებში, ქვეყნისათვის უმძიმეს პერიოდში ბატონი ვახტანგი გახლდათ ინსტიტუტის დირექტორის მოადგილე სამეცნიერო-ტექნიკურ დარგში.
ნახევარგამტარული და კომპოზიციური მასალების ლაბორატორიის მეცნიერ - თანამშრომელი - ერთი საშტატო ერთეული.
შესასრულებელი სამუშაო
- მაღალი ხარისხის და ენერგოეფექტური ნახევარგამტარული მასალების, მათ შორის, მაღალი სისუფთავის სილიციუმის III-V ნაერთების გალიუმის ნიტრიდის, InAs, InP და მათი შენადნობების მიღება და გამოკვლევა. პერსპექტიული ნახევარგამტარული მასალების შესახებ არსებული სამეცნიერო-ტექნიკური ინფორმაციისა და ლიტერატურის მოძიება. ანალიზი. განზოგადება და პრაქტიკული განხორციელება;
- ახალი ნახევარგამტარული მასალების თვისებების პროგნოზირება, მათი რეალური სტრუქტურის ფიზიკური მოდელის აგება და მათი კომპიუტერული რეალიზება;
- ექსპერიმენტული მასალების მიღების ეკოლოგიურად სუფთა ტექნოლოგიური პროცესების შემუშავება და მიღებულისათვის კვლევის მეთოდების შერჩევა.
სუპერსალი მასალების მიღება ვოლფრამის კარბიდის ულტრადისპერსიული შენადნობების მოდიფიცირებით ბორშემცველი კვაზიევტექტიკით
მასალები ვოლფრამის კარბიდის (WC) ფუძეზე, რომლებიც ხასიათდება მაღალი სისალითა და ცვეთამედეგობით, დიდი ხანია ფართოდ გამოიყენება საჭრელი და სამთო ინსტრუმენტების დასამზადებლად. ფუნქციონალური თვისებების შემდგომი გაუმჯობესების მიზნით, ხდება მათი ლეგირება ან მოდიფიცირება სხვადასხვა კერამიკული ფაზებით. ფერდინანდ თავაძის მეტალურგიისა და მასალათმცოდნეობის ინსტიტუტის (მმი) მკვლევართა ჯგუფმა მიიღო კერამიკული კვაზიევტექტიკით ბორის კარბიდი–ტიტანის დიბორიდი (B4C–TiB2) მოდიფიცირებული სალი ლითონკერამიკული შენადნობების – ვოლფრამის კარბიდი–კობალტი (WC–Co) და ვოლფრამის კარბიდი–ტიტანის კარბიდი–კობალტი (WC–TiC–Co) – ულტრადისპერსიული ფხვნილები, და, ასევე, მათი რთული ფორმის კომპაქტები. ამ მოდიფიკატორის უპირატესობებია მისი: (1) სისალე, რომელიც თითქმის ისეთივე მაღალია, როგორც სუფთა ბორის კარბიდისა, და (2) ელექტრული და სითბური გამტარობა, რომლებიც სიდიდის რამდენიმე რიგით უფრო მაღალია, რაც უზრუნველყოფს სწრაფ კომპაქტირებას და ამით ხელს უშლის დისპერსიულობის შემცირებას.
სსიპ - ფერდინანდ თავაძის მეტალურგიისა და მასალათმცოდნეობის ინსტიტუტი აცხადებს ღია კონკურსს შემდეგი თანამდებობის დასაკავებლად
თვითგავრცელებადი მაღალტემპერატურული სინთეზის ლაბორატორიის მკვლევარი სპეციალისტი - ერთი საშტატო ერთეული.
შესასრულებელი სამუშაო
- თვითგავრცელებადი მაღალტემპერატურული სინთეზის ტექნოლოგიით მრავალფუნქციური დანიშნულების კერამიკული და ლითონკერამიკული (მათ შორის ნანოგანზომილების) კომპოზოციური მასალების მიღების ტექნიკური განხორციელება.
- თვითგავრცელებადი მაღალტემპერატურული სინთეზის ტექნოლოგიებით ახალი არაორგანული კონსოლიდირებული და ფხვნილოვანი მასალების მიღება და შემდგომი დამუშავება.
- პროექტის მეცნიერული ნაწილის თანაშემსრულებლებთან კოორდინაციული მუშაობა. სამეცნიერო-ტექნიკური კვლევების შედეგების პრაქტიკულ რეალიზაციაში მონაწილეობის მიღება.
